Back چوس د پاو ARZ Josse De Pauw German Josse De Pauw English Josse De Pauw French Josse De Pauw Malagasy Josse De Pauw Dutch
Josse De Pauw (* 15. März 1952 in Asse, Belgien), is en fläämsch Schauspeler, Speelbaas un Schriever.
De Pauw hett bi naamhaftig Schoolmeesters un to lieken Tiet mit annere beropen belgsch Schauspelers in Brüssel an’n Koninklijk Conservatorium studeert. In de 1970er Johren füng he in Brüssel in dat Künstlerkollektiv Schaamte an to arbeiden, wat de Vörlöper vun dat latere Kaaitheater weer. Siet 1999 is he as fasten Theaterschriever an’t Victoria in Gent dorbi un harr al ünnerscheedlich Posten in dat Regeer vun verscheeden Theaters.
Aver De Pauw hett nich blots op’n Rebeet Theater arbeid, man he weer ok al in ungefäähr 50 Kino- un Fernsehfilmen to sehn. He tellt to de beropensten Filmsschauspelers in de Beneluxlänner. En vun sien ok in Düütschland bekannsten Filmen weer de för den Oscar vörslahn Kinokummedie Iedereen beroemd! vun 2000. Josse De Pauw hett ok al Dreihböker för dree Filmen schreven un weer tweemol ok Speelbaas. För sien Wark is he mit en ganze Reeg vun Priesen uttekend worrn.